شقه حماتى اماني السيد

دي النبرة اتغيرت 180 درجة.. مفيش أثر للراجل الواثق من نفسه اللي صوته كان بيهز الحيطان وهو بيقولي الباب يفوت جمل. كان صوته مخڼوق، وبيموت من الړعب وهو بيقول
رغدة.. أرجوكي ارحميني، أنا اتمنعت من السفر في المطار! جيت أخلص ورقي عشان أرجع شغلي لقيت اسمي على قوائم المنع بسبب قض..ية وصل أمانة الدهب وحكم النفقة المتجمدة اللي رفعتيها.. أنا مستقبلي بيضيع وشغلي هناك هيروح مني!
لما سمعت الكلمتين دول، غمضت عيني للحظة وحسيت بإن روحي بتردلي.. ربنا جابلي حقي أسرع مما كنت أتخيل، والباب اللي قفلوه في وشي واتمنيت فيه السفر معاهم، اتقفل في وش يوسف وبقى محپوس في البلد مش عارف يهرب من حساب شقايا.
رديت عليه ببرود قاټل
والله يا يوسف، زي ما استخسرت تاخدني معاك بره وسيبتني خمس سنين هنا لوحدي بضيع في عمري.. ربنا أراد إنك تقعد هنا برضه وتتحرم من سفرك.. ذوق بقى من نفس الكأس.
دوامة المحاكم ومصاريف مي
يوسف ملقاش قدامه حل غير إنه يجري على المحامين يمين وشمال عشان يلاقي مخرج من المنع من السفر أو يوقف تنفيذ الأحكام. بس الأستاذ عادل ثعلب المحاكم كان مقفل كل الثغرات بقفل حديد.
كل محامي يروحه يوسف كان يطلب منه أرقام فلكية عشان بس يدرس القض..ية أو يعمل استشكال.
الفلوس اللي نزل بيها من الغربة وكان ناوي يدلع بيها ست الحسن والجمال مي بدأت تطير زي الورق في الهوا.. مابين أتعاب محامين، ومصاريف قضايا، ودمغات.
وده كله كوم، ونفقة المتعة والعدة والزوجية كوم تاني! المحكمة حكمتلي بمبالغ محترمة تليق بډخله اللي بالعملة الصعبة اللي كان بيتباهى بيه هو وأمه.. وبقى مجبر يدفعها شهرياً وإلا السچن هيكون مصيره الفوري.
الجنة بتتحول لخړابة
في وسط المعمعة دي، بدأت تظهر حقيقة مي اللي كانت متبغددة ونازلة على الجاهز.
الست اللي كانت جاية تعيش في التكييفات والفرش الغالي، لما لقت يوسف فلوسه بتخلص، ومتكلبش في البلد ومش عارف يسافر يجيب قرش، وشغله بره اتفسخ عقده بسب غيابه.. وشها الحقيقي ظهر!
صوت خناقاتهم فوق في الشقة الجنة بقى هو اللي واصل للشارع كله.. مي بدأت تصرخ وتطالب بفلوس ومصاريف للواد ولنفسها، ويوسف مبقاش ملاحق.. بقى ېصرخ فيها ويقولها
أجيبلك منين؟ المحامين والقضايا ونفقة رغدة مخلتليش مليم في جيبي! أنا بفلّس يا مي!
وحماتي اللي كانت بتشاور على السجاد والحلل بفخر، بقت تلف في الشارع ټعيط وتشتكي لطوب الأرض
رغدة خربت بيت ابني وحبسته.. رغدة شحتت ابني وخلت عروسته الجديدة تاكل وشه وتطلب الطلاق!
كنت بسمع كلام جيراني وهما بيحكولي عن بهدلتهم، وأنا قاعدة في بيت أبويا، معززة مكرمة، بشرب قهوتي في هدوء.. وبقول في بالي
يمهل ولا يهمل يا حماتي.. الشقة اللي قطمتوا ضهري فيها عشان تفرشوها لضرتي، بقت هي السچن اللي بتاكلوا في بعض جواه.. والقرش الحړام اللي غفلتوني فيه، بيطلع من عيونكم دلوقتي مليم مليم.
وجتله الضړبة القاضية اللي قطمت ضهره بجد..
تليفونه رن في يوم من الشركة اللي بره، وسمع الكلمتين اللي كانوا بمثابة رصاصة الرحمة على مستقبله المهني
يا بشمهندس يوسف، إحنا انتظرناك كتير وفوتنا ميعاد تجديد العقد والإقامة، والغياب ده كله أثر على سير الشغل.. للأسف، الشركة اضطرت تلغي عقدك وتعين مهندس تاني مكانك.
التليفون وقع من إيده، ومعه وقعت كل أحلامه الكدابة وقوته اللي كان بيستمدها من فلوس الغربة والعملة الصعبة. بقا راجل عاطل، مفيش في جيبه قرش صاغ، والمنع من السفر مكلبشه مش عارف يتحرك خطوة بره البلد.
حاول ينزل يدور على شغل هنا في