قالها قدام الكل بلا وِش تاني… لكن ردّها قلب البيت رأسًا على عقب!

لبعض.
الكلام لمس قلبي.
لكن قبل ما أرد
وصلنا البيت.
ولما طلعنا شقتنا
اتفاجئت بحاجة خلتني واقفة مكاني من الصدمة.
الجزء الأخير..
أول ما دخلت الشقة
وقفت مكاني مصډومة.
السفرة اللي كانت فاضية الصبح
بقت متجهزة بالكامل.
طبقين متحطوطين بهدوء
وشموع صغيرة على الترابيزة
وأكلة بسيطة ريحتها طالعة دافية في المكان.
بصيت لمحروس بدهشة
ده إيه؟
ابتسم بإحراج خفيف
قبل الخناقة كنت طالب الأكل ده عشان نتعشى سوا أول عشا لينا لوحدنا.
قلبي وجعني بطريقة غريبة.
قد إيه إحنا كنا قريبين من إن كل حاجة تضيع
بسبب سوء فهم وخوف متراكم سنين.
قعدت على الكرسي بهدوء.
ومحروس قعد قدامي.
أول مرة من يوم الجواز نقعد لوحدنا فعلًا.
من غير صوت حد
ولا تدخل حد
ولا خوف من حد.
قال وهو بيلعب في المعلقة بتوتر
أنا عارف إن الاعتذار مش كفاية.
بصيتله وسكت.
كمل
بس أوعدك إني هتعلم.
سألته بهدوء
وهتقدر توازن بيني وبين أهلك؟
أخد نفس طويل
هحاول ومش هسمح لحد يخسرني حد تاني.
الكلمة كانت صادقة.
وأنا لأول مرة أحس إنه مش بيتكلم كابن بس
لكن كزوج كمان.
قلت بعد تردد
وأنا كمان آسفة إني اتكلمت بعصبية قدام والدتك.
ابتسم بخفة
بصراحة؟ أنتِ خوفتيني.
ضحكت ڠصب عني لأول مرة من أيام.
هو كمان ضحك.
والتوتر اللي كان بينا بدأ يخف شوية شوية.
وفجأة
سمعنا خبط خفيف على الباب.
بصينا لبعض باستغراب.
محروس قام فتح الباب
ولقينا أم محروس واقفة برا.
شايلة صينية صغيرة فيها كوبايتين شاي.
أنا اتوترت فورًا.
لكنها بصتلي بهدوء وقالت
قلت أشربكم الشاي بنفسي بما إن كل واحد خلاص هيعيش في بيته.
الجو سكت ثواني
وبعدين ضحك محروس.
وأنا كمان ابتسمت.
دخلت بهدوء وحطت الصينية.
وبعدين بصت حوالين الشقة وقالت
شقتكم حلوة أول مرة آخد بالي منها.
الجملة كانت بسيطة
لكن معناها كبير.
قعدت شوية معانا.
ومن غير أوامر
ولا كلام عن الأكل
ولا انزلي تحت.
مجرد قعدة عادية.
ولما قامت تمشي
وقفت عند الباب وبصتلي.
وقالت بإحراج واضح
لو احتجتي أي حاجة أنا تحت.
أول مرة أحس إن الجملة دي فيها حب
مش سيطرة.
بعد ما مشيت
بصيت لمحروس وقلت
تتوقع فعلًا كل حاجة تتغير؟
قال وهو يمسك إيدي
مش في يوم وليلة بس أهم حاجة إننا فهمنا بعض.
بصيت حواليا للشقة.
المكان اللي كنت حاسة إنه سجن من ساعات
بقى فجأة دافي.
يمكن لأن البيت مش بالحائط ولا الأثاث
البيت الحقيقي
هو المكان اللي تحس فيه إنك مسموع ومفهوم.
وفي الليلة دي
أول ليلة فعلًا أحس فيها إني زوجة
مش مجرد ضيفة في بيت حد.
تمت..