بعد ما أطلقت
داخلة على اتنين بالليل. نازلي هانم كانت نامت بصعوبة بعد نوبة ألم شديدة رفضت فيها تاخد المسكن القوي، وقالتلي ببرود مش عايزة أغيب
عن الوعي، عايزة أحس بكل ثانية فاضلة حتى لو كانت ۏجع
نزلت المطبخ أعمل لنفسي كوباية شاي بالنعناع، الدنيا كانت ضلمة والهدوء يقرص الودن. وأنا في طريقي للصالة، سمعت صوت جاي من أوضة المكتب. الباب كان موارب، وصوت كريم كان واضح بس المرة دي مكنش بيزعق.. كان بيتكلم فرنساوي بطلاقة وسرعة.
وقفت مكاني. أشكر الظروف اللي خلتني أشتغل 4 سنين في مكتب ترجمة أوراق قانونية فرنسية. كريم مكنش بيكلم شريك عمل، كان بيكلم محامي.. وسمعت جملة خلت كوباية الشاي تتهز في إيدي
Tout est prêt Maître. Elle ne passera pas le mois. On doit finaliser le transfert de la propriété du domaine avant que les autres cousins ne ramènent leurs avocats.
كل شيء جاهز يا سيادة المحامي. هي لن تتخطى الشهر. يجب أن ننتهي من نقل ملكية العقار الفيلا قبل أن يحضر باقي أبناء العم محاميهم.
الد م جمد في عروقي. كيمو الحفيد الحنين، اللي نازلي هانم كانت بتقول عليه رائحة ابنتي الغالية، مستني م . وتها بالدقيقة والثانية عشان يلهف الفيلا اللي قيمتها تعدي ال 80 مليون جنيه، ويطرد باقي الورثة!
رجعت أوضتي وقلبي بيدق پجنون. كنت عايزة أدخل أقول لها، بس افتكرت حالتها الصحية. لو عرفت إن الحفيد اللي ضحت بعمرها عشانه مستني جثتها تبرد، هتم . وت من القهرة قبل ما المړض يق . تلها.
الجزء الثالث اللعبة
تاني يوم الصبح، دخلت أوضة نازلي هانم.
كانت قاعدة بتسرح شعرها الأبيض الخفيف قدام المراية. بصتلي في المراية وقالت بصوت هادي مالك يا مريم؟ عيونك فيها قلق، زي ما تكوني شايفة شب . ح بالليل.
اترددت، بس افتكرت كلمتها مابحبش الكدب. قربت منها وخدت منها الفرشة وبدأت أسرح لها بهدوء. وقلت نازلي هانم.. حضرتك لسه بتثقي في كريم زي زمان؟
إيدها اتشنجت شوية. سكتت فترة طويلة وبعدين قالت بابتسامة غامضة كريم شاطر.. بس طماع. والطمع بيخلي الواحد ينسى إن اللي قدامه لسه عايش.
بصتلي فجأة وقالت بالفرنساوي Questce que tu as entendu hier soir?
إنتي سمعتي إيه امبارح بالليل؟
اتصد مت.. هي عارفة إني بفهم فرنساوي؟ وعارفة إني كنت واقفة؟
سمعت إنه مستعجل على نقل الملكية، قلتها بوضوح.
نازلي هانم ضحكت ضحكة قصيرة بس قوية، وكحت بعدها بشدة. ولما هديت قالت يا هبلة.. الفيلا دي متباعة أصلاً من عشر سنين لجمعية خيرية، وعقد البيع مبيتفعلش إلا بوفاتي. كريم فاكر إن الأوراق اللي تحت إيده في المكتب هي الأصل، ميعرفش إنها نسخ مزورة أنا اللي حطاها عشان أشوف آخره.
بصيت لها بذهول. الست دي مش سهلة، دي مدرسة!
بس يا مريم، كملت وهي بتمسك إيدي، أنا
