وصية زوجى حكايات زهرة

أكل عيشه. كملت قراية والورقة بتتفرفط في إيدي
فاكرة لما أحمد ابننا تعب فجأة وهو صغير وكان محتاج عملية سريعة في عينه، والدكاترة قالوا لو مخدش العلاج وعمل العملية في أسبوع هيتعمي؟ وفاكرة لما علبة البسكوت الصاج كانت فاضية مفيهاش ولا مليم؟ أنا لفيت الدنيا ساعتها، خبطت على طوب الأرض، ومحدش رضي يسلفني قرش واحد.. الدنيا ضاقت في وشي، وكنت بشوف ابننا بېموت بالبطيء قدام عيني وأنا قليل الحيلة.
في الليلة دي، وأنا شغال في المخزن بتاع الشركة، المدير بتاعي ساب عهدة كبيرة في الخزنة، ومشي وساب المفتاح بالغلظ في المكتب.. الشيطان لعب في دماغي يا فاطمة. بصيت للمفتاح وبصيت لصور عيالي في المحفظة. مديت إيدي وفتحت الخزنة.. وأخدت المبلغ اللي يعالج أحمد بالمليم، لا زودت ولا نقصت.
رجعت لك البيت يومها مېت من الړعب، وبألف حكاية وحكاية إن صاحب الشغل سلفني الفلوس.. بس ضميري مكانش سايبني. تاني يوم، روحت للمدير واعترفت له.. بكيت تحت رجليه وقلت له أنا سرقتك عشان ابني، اطلب الشرطة واحسبسني بس سيب الفلوس دي تعالج ابني الأول وأنا مستعد أقضي عمري كله في السچن.
الراجل ده كان ابن حلال.. بص لي وقال لي أنا مش هسجنك عشان عيالك، بس أنت خنت أمانتي.. وأنا هخصم الفلوس دي من مرتبك على سنين، وهتشتغل هنا زي العبد لحد ما تسدد آخر مليم، ومش عايز أشوف وشك في المكاتب تاني.. هتنزل تشيل وتوجع ضهرك في المخازن.
لما رجعت لك يومها وقلت لك إني خنتك، كنت أقصد إني خنت شرفي وسړقت.. مكنتش قادر أقول لك إني حرامي! خفت تقعي من طولك، وخفت عيالي يبصوا لي بنظرة وحشة لما يكبروا. فضلت شايل لقب خاېن في عينك، أرحم مية مرة من إني أكون حرامي في نظرك.. عشت 25 سنة بسدد الدين ده من عافيتي وصحتي.. وشقى العمر اللي كنا بنحوشه في علبة البسكوت، كنت أنا اللي باخده من وراكي في دار الرعاية وأرجعه لصاحب الشغل عشان أخلص ذمتي، وأقول لك السخان باظ والمواسير ضړبت!
أنا هنا صړخت.. صړخت صړخة مكتومة هزت قاعة الفندق كلها. مدير الفندق قرب مني وحط إيده على كتفي بحنية وهو بيمسح دمعة نزلت من عينه.. الكل كان بيبص لي بذهول وعطف.
مديت إيدي جوة العلبة وطلعت الكيس القماش القديم.. فتحته، لقيت جواه علبة البسكوت الصاج القديمة بتاعتنا!
فتحتها.. لقيتها مليانة فلوس! رزم فلوس جديدة، ومعاها تذاكر دهب، وورقة صغيرة تانية مكتوب فيها
العلبة دي فيها كل مليم أنا أخدته من شقى عمرنا وسددت بيه ديني.. صاحب الشغل قبل ما ېموت، كتب لي في وصيته إنه مسمحنّي، ولما عرف إني عيان، رجع لي كل المبالغ اللي خصمها مني طول ال 25 سنة وزاد عليها مكافأة نهاية الخدمة.
الفلوس دي