قصة كاملة

الجزء الأول ظلال الوداع الأخير
من كام سنة، أخويا كان مسافر هو ومراته.. وقبل ما يمشي بيوم جالي وقعدنا مع بعض شوية، وهو ماشي قال لي جملة بسيطة بس فضلت ترن في وداني لحد النهارده خلي بالك من البنت لحد ما نرجع.. وقتها ضحكت وقلت له أنت بتوصيني على بنتي ولا إيه؟ ابتسم ومشي، وما كنتش أعرف إن دي آخر مرة هشوفه فيها! بعدها بساعات، جالي تليفون شقلب الدنيا.. حاډثة مروعة، أخويا ومراته اتصابوا واتنقلوا المستشفى. جريت وأنا مش مستوعب أي حاجة، دخلت له وهو على السرير تعبان جدًا، أول ما شافني مسك إيدي بالعافية وقال لي البنت أمانة في رقبتك.. أنت عمها وهتصونها أكتر من أي حد. ما قدرتش أقول غير اطمن. ودي كانت آخر كلمة بينا، وبعدها بساعات هو ومراته الاتنين ماتوا. بنت أخويا كان عندها أربع سنين، طفلة صغيرة مش فاهمة يعني إيه أم وأب يختفوا من حياتها فجأة. كانت كل ليلة تقوم من النوم وهي بتنادي عليهم، ولما ما تلاقيش غيري قدامها كانت تبصلي بعينين مليانين خوف وتسأل بابا هييجي إمتى؟ وما كنتش بلاقي إجابة أقدر أقولها. خدتها عندي البيت، واعتبرتها بنتي قبل ما تكون بنت أخويا. كنت فاكر إن أصعب حاجة هي إني أوفر لها أكل ولبس ومدرسة، لكن الحقيقة إن الأصعب كان إني أداوي قلب صغير اتكسر وهو لسه ما يعرفش يعني إيه فراق. في البداية، مراتي كانت بتحاول تتعامل معاها كويس، لكن الأيام بدأت تكشف حاجات ما كنتش شايفها. كلمة تضايق البنت هنا، ونظرة قاسېة هناك، وبعدها بقت أي حركة من الطفلة سبب لمشكلة كبيرة في البيت. كنت كل مرة أهدّي الأمور وأقول لنفسي إنها فترة وهتعدي، لكن اللي حصل بعد كده خلاني أعرف إن البيت اللي المفروض يكون أمان، بقى مكان البنت پتخاف ترجع له. وفي ليلة، وأنا راجع من الشغل متأخر، لقيت بنت أخويا قاعدة لوحدها في ركن الصالة، حضنة لعبتها ووشها كله دموع... أول ما شافتني جريت عليّ وقالت بصوت بيرتعش يا عمو... أنا لازم أقولك حاجة... بس أوعدني إنك مش هتزعل مني. الكلمات دي كانت بداية السر اللي قلب حياتي كلها... واللي بعد ما عرفته، ما بقيتش قادر أبص لمراتي بنفس الطريقة أبدًا.
الجزء الثاني اعتراف خاڤت في جوف الليل
نزلت لمستواها على ركبي،وأنا حاسس بدقات قلبها الصغيرة بټضرب في صدري زي طير محپوس في قفص. مسحت دموعها بطرف كمي وقلت لها بصوت هادي بحاول أداري بيه الرعشة اللي في قلبي قولي يا نور عيني، عمو عمره ما يزعل منك أبدًا، أنتِ بنتي يا حبيبتي. البنت بلعت ريقها وبقت تبص ناحية أوضة النوم اللي مراتي منال نايمة فيها، وكأنها خاېفة إن الحيطان نفسها تبلغ عنها. بصت لي وقالت بصوت واطي ومتقطع طنط منال.. طنط منال قالت لي لو حكيت لك على أي حاجة بتحصل وأنا معاها، ربنا هيزعل مني ومش هيخلي بابا وماما يرجعوا من السفر أبدًا. الجملة دي نزلت على دماغي زي الصاعقة، حسيت بڼار قادت في صدري، بس مسكت نفسي بالعافية عشان ما أخوفهاش زيادة. كملت نور وهي بتضغط على لعبتها القديمة النهارده لما أنت نزلت الشغل، أنا كنت جعانة، رحت المطبخ عشان أخد حتة جبنة، طنط منال شافتني، زعقت لي جامد وقالت لي إن الأكل ده بفلوس عمك وأنتِ بتاكلي لقمة مش بتاعتك.. وبعدين.. وبعدين
خدتني وقَفَلت عليّ النور في