سرقـة العمـر كـاملة بقلـم منـي السـيد
نسيت هناء محفظتها في البيت، فرجعت بسرعة وهي بتنهج، لكن دخلتها الشقة في اللحظة دي كشفت لها مستور هيغير حياتها مع جوزها باهر للأبد.
متأكد يا باهر مش محتاج حاجة من السوبر ماركت؟ سألته هناء وهي واقفة على الباب بقلم الكاتبة مني السيد
لا، لا.. روحي أنتي بس ومتعطليش نفسك، رد باهر بزهق وهو بيشوح بإيده.
كان باين عليه إنه مستعجل عشان تمشي. هناء اتنهدت بضيق مكتوم؛ باهر بقاله فترة عصبي جداً وبيتمسك على الواحدة، بس هي فضلت تسكت.. مكنتش عايزة تفتح باب للمشاكل. طول عمرها بتهرب من الخناق وبتيجي على نفسها عشان المركب تسير.
نزلت هناء وهي ناوية تعمل له أكلة سلمون بيحبها، ومعاها صنف حلو من وصفات حماتها. وهي واقفة قدام الكاشير، اكتشفت الصدمة.. نسيت المحفظة في البيت!
جريت على البيت وهي بتلوم نفسها. أول ما قربت من باب الشقة ولسه هتحط المفتاح، سمعت صوت باهر عالي وواضح، بس النبرة مكنتش نبرته اللي عارفاها.. متوفرة على روايات و اقتباسات كانت نبرة حنينة ودايبة
يا حبيبتي والله العظيم ڠصب عني.. أنتي عارفة إني مقدرش أستغنى عنك ولا عن الولاد، بس هي لسه في البيت وماسكة فيا.
وقفت هناء مكانها زي الصنم، قلبها بيدق لدرجة إنها حاسة إنه هيطلع من صدره. ولاد؟ حبيبتي؟ هو بيتكلم عن مين؟
باهر كمل وهو بيضحك بمرارة متقلقيش، الشقة اللي في التجمع خلاص سجلتها باسمك، والفلوس اللي كانت في الحساب المشترك حولتها عشان تأمني مستقبلك أنتي والعيال.. هي مش فاهمة حاجة، أصلاً طيبة وبزيادة، وفاكرة إني بمر بضائقة مالية.
ڼار من الۏجع والڠضب شعللت في قلب هناء. كانت بتعتصر حلق الباب بإيدها.. معقول ده باهر؟ اللي عاشت عشانه سنين عمرها؟ متجوز عليها ومخلف وكمان بيسرق شقاها ويدي لغيرها؟
وبالنسبة للسفرية، باهر ضاف بشوق هنطير على باريس نقضي شهر عسل جديد، بعيد عن النكد والروتين.. هي أصلاً فاكرة إني مسافر شغل لمطروح. جهزي نفسك يا ست الكل.
هناء كانت بتسمع جوزها وهو بيبني سعادته على أنقاض حياتها، ومكنتش قادرة تتحرك. لما قفل السكة، فاقت لنفسها وحست إن عالمها كله بيتهد. اتسحبت لورا بهدوء واستخبت لحد ما باهر خرج وهو بيصفر ومبسوط.
نزلت الشارع تاهت وسط الزحمة. قعدت على كنبة في جنينة عامة ودارت وشها بإيديها. باهر متجوز عليها في السر؟ وعامل بيت تاني بفلوسها؟ والعمل دلوقتي؟
كلمت صاحبتها إيمان، وحكت لها كل حاجة وهي بتترعش. إيمان ردت عليها بقوة اوعي تتهوري يا هناء.. اللي ېغدر في السر، يترد له القلم في النور. لازم تعرفي مكان الست دي ومكان الشقة قبل ما تواجيهه.
رجعت البيت وهي رسمة برود غريب على وشها. دخلت لقيت باهر قاعد وشده مقلوب كنتي فين كل ده؟ أنا قاعد جعان وأنتي هانم بتلفي مع صحابك!
هناء بصت له
