خېانة الاخ حكايات صافي هاني

الشقة ورعش جسمي.
يالا يا شاطرة، نامي في أي داهية تعجبكي، ورجلك ما تعتبش البيت ده تاني.
ضحكوا.. التلاتة ضحكوا في وشي وكأنها نكتة هيحكوها لبعض بالليل.
كنت لسه هخرج وأنا قلبي محطم تماماً، بس فجأة افتكرت حاجة هما ما يعرفوهاش. الحساب ده ما كانش مجرد تحويشة عادية. جزء كبير من الفلوس دي كان جاي من ورث قانوني عهدة سابتهولي عمتي الله يرحمها، وكان الحساب ده متراقب وبإشراف قانوني من البنك على أي حركة سحب كبيرة.
بصيت في الموبايل.. لقيت 3 مكالمات فايتة من رقم غريب.
في اللحظة دي فهمت حاجة هما لسه ما يعرفوهاش. في الوقت اللي هما بيطردوني فيه ومفتكرين إنهم كسروني وخدوا كل حاجة، كان البنك والشرطة فعلاً بدأوا يتتبعوا كل جنيه هما سرقوه.
مشيت في الشارع والشنطة في إيدي، والدموع مغرقة وشي، بس جوايا كان فيه هدوء غريب بدأ يحل محل الكسرة. قعدت على أول رصيف وطلبت الرقم اللي كان رانن عليا.. طلع أستاذ رأفت المحامي اللي عمتي موصياه عليا.
أيوة يا إيمان يا بنتي، إيه اللي بيحصل في حسابك ده؟ السيستم بعتلي إنذار فوراً بسحب مبالغ ضخمة وتغيير أرقام سرية.. أنتي كويسة؟
حكيتله كل حاجة وأنا صوتي بيترعش، بس المرة دي من الغل مش من الخۏف. أستاذ رأفت صوته اتغير تماماً وبقى حاد
اسمعيني يا بنتي، الفلوس دي جزء منها وصية مشروطة، والقانون بيعتبر اللي حصل ده مش مجرد سړقة عادية،
دي خېانة أمانة واستيلاء على أموال قاصر قانوناً في الوصية وتزوير. أنا هقدم بلاغ فوراً، والبنك أصلاً جمد العمليات اللي لسه ما سمعتش.
رجعت وقفت قدام باب البيت تاني.. بس المرة دي ما خبطتش بضعف. رنيت الجرس فترات طويلة لحد ما جلال فتح وهو بيبرطم
أنتي تاني يا زفتة؟ مش قولتلك مالكيش مكان هنا؟
بصيت له في عينه بكل قوة وقلتله
أنا بس جيت أقولكم إن الفلوس اللي فرحانين بيها دي، هتكون هي السبب في دخولكم السچن.. واحد ورا التاني.
أمي طلعت على صوتنا وهي بتضحك باستهزاء
سجن إيه يا أم سجن؟ دي فلوسنا وتمن لقمة هنية أكلتيها، والبوليس مش بيدخل بين الأهل.
ضحكت بمرارة وقلت لها
الفلوس دي يا ست ماما تحت إشراف قضائي عشان وصية عمتي، وأخويا البطل اللي واقف ده سحبهم بتوقيع مزور واستخدم الفيزا من غير علمي. أستاذ رأفت المحامي كلمني، والبلاغ اتقدم، وخلال ساعة بالظبط البنك هيثبت إن التحويلات راحت لحساب جلال الشخصي.
لون وش جلال اتقلب وبقى أصفر زي الليمون، وأبويا خرج يجري من جوه وصوته عالي
أنتي بتبلغي عن أخوكي يا ڤاجرة؟ عايزة تحبسينا؟
أنا ببلغ عن اللي سرقوني ورموني في الشارع في نص الليل. اللي بينا دلوقتي مش صلة رحم.. اللي بينا محاضر وأقسام. يا ترجعوا كل مليم دلوقتي حالا وتعتذروا، يا إما نتقابل في النيابة.
جلال بدأ