سر الراجل العجوز ل الهواري

في صباح زحمة في قلب ، كان الشارع قدام مستشفى استثماري كبير مليان حركة ما بتخلصش. عربيات الإسعاف داخلة طالعة، أهالي واقفين قلقانين، ممرضات بيجروا على الشيفتات بتاعتهم، وموظفين شايلين همومهم وداخلين الشغل متأخرين. وسط الزحمة دي كلها، كان فيه راجل عجوز مرمي على الرصيف جنب باب المستشفى. هدومه مقطعة ومتسخة، دقنه طويلة ومتشابكة، ووشه شاحب كأنه بقاله أيام ما داقش لقمة أكل. جسمه كان ضعيف لدرجة إنه مش قادر حتى يقعد، كل اللي كان بيعمله إنه يحاول ياخد نفسه بالعافية وهو ممدد على البلاط البارد. واحدة ست معدية وقفت لحظة وبصت له بخضة وقالت بصوت عالي يا جماعة فيه راجل بېموت هنا! الناس بصت ثواني، بعضهم قرب خطوة وبعدين رجع، وبعضهم هز راسه بأسى ومشي. واحد شاب كان ماسك موبايله قال وهو بيعدي ده شحات تلاقيه بيمثل عشان ياخد فلوس. ممرضة كانت داخلة المستشفى وقفت لحظة، قربت منه شوية، لكن أول ما شمّت ريحة هدومه المتسخة وشفته بالحالة دي رجعت لورا بسرعة وكملت طريقها. واحد من الأمن كان واقف عند الباب، بص ناحية العجوز ببرود وقال لو حد مهتم بيه ودوه المستشفى الحكومي هنا مستشفى استثماري. مع الوقت الزحمة خفت شوية، والناس بدأت تمشي وكأن المشهد اختفى من قدام عيونهم. العجوز كان بيحاول يتكلم، لكن صوته كان ضعيف جدًا. إيده المرتعشة كانت بتتحرك كأنه بيطلب مساعدة، لكن محدش كان شايفه أو يمكن محدش كان عايز يشوفه. وفي اللحظة دي بالظبط، وصلت ست حامل. كانت لابسة لبس التمريض البسيط، باين إنها ممرضة متطوعة أو جاية تشتغل شيفت بسيط. بطنها كانت كبيرة، واضح إنها في الشهر التاسع ويمكن فاضل أيام وتولد. أول ما عينيها وقعت على العجوز، وقفت فجأة. قربت منه بسرعة، ركعت جنبه رغم تعبها، وحطت إيدها على رقبته تحاول تحس نبضه. قلبها دق بسرعة لما حسّت النبض ضعيف جدًا. بصت حواليها للناس وقالت بحدة الراجل ده لازم يدخل المستشفى فورًا حالته خطېرة! الأمن هز كتفه وقال يا مدام ده شحات وبعدين إنتِ في حالتك دي خطړ تقربي منه. واحد واقف يتفرج قال سيبيه لو كل شحات هتشيليه كده هتتعبي نفسك. الست بصت للعجوز تاني، شافت دمعة نازلة من عينه وهو مش قادر حتى يتكلم. في اللحظة دي حسّت إن قلبها مش هيسمح لها تمشي وتسيبه. أخدت نفس عميق، وحاولت تسنده وتقعده. بصعوبة شديدة رفعت دراعه على كتفها، وبدأت تحاول تقف وهي شايلة نص وزنه. الناس حوالينها اتصدموا. واحدة ست حامل في آخر شهور الحمل بتحاول تشيل راجل عجوز مرمي في الشارع. الأمن قال بحدة يا مدام سيبيه هتأذي نفسك. لكنها ردت وهي بتتنفس بصعوبة لو محدش فيكم هيساعده أنا