رواية حمل شيطاني جميع الاجزاء كاملة بقلم كوكي سامح

وطلب منها تروح البيت وقفل معاها.
منى عملت الشاى وخرجت هى وصفاء وقعدوا مع ندا..
صفاء منى عاوزاكى جوووه
.. تعالى
.. انا عاوزه اخدك معايا للشيخ ده واشوف كلامه ده كان صح ولا كان بيقول كلام وخلاص وخصوصا ان محصلش منه حاجه
.. يا بنتى الموضوع من زمان وخلاص وبعدين هتعرفى طريقه منين وحتى لو عرفتى مش يمكن يكون مشى او ماټ.
.. معرفش انا هسأل طنط فوزيه هى اللى تعرف لأنى فاكره هى اللى قالت لماما عليه
وصفاء مسكت بطنها وقالت معقول هحمل من الشيطان وقالت انا همشى وهتصل اطمن عليكم والسلام امانه لجوزك والولاد صحيح هما فين..
.. تحت فى الشقه اصل حماتى عندى النهارده وبعدين بطلع هنا لما يكون خطيب ندا موجود وطول الاسبوع ندا عندى بس بتكون موجوده هنا على النوم بس.
.. انا عارفه انى مقصره بس انتى عارفه حماتى ربنا ما يحرمنا من بعض وقامت صفاء استأذنت ومشيت ولما روحت البيت لقت ان كلام محيى اتغير معاها خالص وقالها ان الجواز هيتم علشان يخلف مش اكتر ومن وجهه نظره ان أمه هترتاح بالطريقه دى وتبطل زن. وصفاء سمعت كلامه وساكته خالص وطلعت شقتها وهى مضايقه ومخنوقه ومحيى طلع وراها وقرب منها رددت وقالت انا مش عاوزاك تلمسنى
.. ازاى انتى مراتى
.. لأ انا زوجه مكسوره الخاطر علشان مش قادره اخلف تتجوز عليه روح لها واعتبرنى مش فى حياتك وياريت تتطلقنى ونفضها سيره
.. انا داخل انام
.. بالسلامه 
وبعد مرور الوقت وجه اليوم الموعود والكل متجمع اخوات محيى وأمه وراحوا يكتبوا على جليله وصفاء فضلت لوحدها فالشقه وعدت ساعات وصفاء نايمه وحاسه بخمول وحالها احساس رهيب وقالت ايه ده انا بيحصلى ايه حاسه ان حد بيلمسنى وكأن حد بيحضنى وقامت تتأكد وملقتش حد لدرجه قالت إن جوزها رجع وغير رأيه وقامت دخلت الحمام وخدت شاور ودخلت تنام تانى..
اطلعى يا عروسه ادخلى برجلك اليمين وابتسام زغرطت والكل مبسوط وبيشهد بجمال جليله ودخلت شقه حماتها وطبعا جليله اللى هتخلف وده حلمهم ومحيى مسك جليله من ايدها ودخل بيها اوضه النوم وابتسام خدت أمها معاها علشان ياخدوا راحتهم وصفاء قاعده فى شقتها والڼار قايده جواها..
.. الباب خبط وصفاء قامت فتحت وقالت كريم ايه اللى جابك رد وقالها انتى صعبانه عليه سيبك من الناس دى واتطلقى رددت وقالت اطلع بره ما انت خاېن زيه ربنا ياخدكم يلا بره بره وقفلت الباب وفضلت تفكر طول الليل وجليله فى حضڼ محيى..
وفى صباح اليوم التالى صفاء قامت من النوم وراحت لصاحبه امها علشان تسألها على مكان الشيخ.
.. بحبك يا محيى
.. ياااه يا جليله ده انتى حلوه اوى وكلك ع بعضك جميله
.. عجبتك
.. اوى اوى
.. ايه اكتر حاجه حبتها فيه
.. فى حاجه شوفتها جوه بس مش عارفه اققولك عليها ازاى
.. قولى يا حبيبتى
.. مراتك القديمه بتقعد هنا
.. اه طبعا لازم تقعد
.. بس شكلها بتحبك اوى
.. بتحبنى فعلا بس شوفتى ايه
.. شوفت بيچامه وقميص نوم هديه منها لينا اختك ابتسام هى اللى قالت دى هدايا من مراتك صفاء
.. وقال صفاء فيها الخير
صفاء رجعت من المشوار ومعرفتش طريق الشيخ سألت عليه قالوا مشى من زمان ورجعت البيت مخنوقه ودخلت ع

شقه حماتها وشافت جليله وقالت ازيك رددت عليها وقالت انتى صفاء منوره يا حبيبتى تعالى ده بيتك قبل ما يكون بيتى
..ههههههه راحت عليه ده بيتك انتى يا عروسه ومسكت بطنها وقالت انا حاسه بمغص هيقطع بطنى
.. وجليله جريت على المطبخ وعملت نعناع وقدمته لصفاء وفضلوا يتكلموا مع بعض وعدى شهرين من جواز جليله ومحيى ومفيش حمل وهى وصفاء حلوين مع بعض زى ما الكتاب بيقول..
وصفاء بتطلع تنام فى شقتها لوحدها ومحرمه نفسها على محيى وفى يوم كان نايم تحت مع جليله وكانت هى نايمه لوحدها خدت شاور وقعدت على السرير ونامت وحست نفس الاحساس وكأن فى حد فى حضنها وتفتح عينها تلاقى الاوضه فاضيه عليها لحد ما قامت فى يوم مسكت بطنها
اوى وبقت تصوت وجريت على الدكتور وكشف وقالها انتى حامل واتخضت وقالت حامل ازاى انا محرمه نفسى على محيى ازاى حامل بس وجريت وراحت على مراد ودخلت عليه وهى مخضوضه وبتستنجد بيه وقالت الحقنى يا مراد فى حاجه غلط رد وقالها فى ايه قالت انا حامل وجوزى مش بيقرب منى من يوم ما اتجوز ملمسنيش خالص ومراد حط ايده على بطنها وقال معقووول...
.. معقول تكونى حامل وجوزك مقربش منك رددت وقالت لا يا مراد صدقنى انا عمرى ما غلطت بس فى حاجه محدش يعرفها غيرى حتى جوزى ميعرفهاش ووطت صوتها وقالت انا حامل من الشيطان
.. شيطان ايه وكلام فارغ ايه
.. صدقنى دى حكايه حصلت زمان وحصلت مع ماما
.. ممكن اعرفها
.. مش دلوقتى المهم انا هعمل ايه فى المصېبه دى متسبنيش لوحدى يا مراد انت اللى باقى ليه 
.. واثقه فيه اوى كده
.. مليش غيرك بعد ما محيى ما اتجوز عليه صدقنى
مراد قال فى سره هى دلوقتى فى لحظه ضعفها ولازم استغلها كويس
.. تعالى يا صفاء انا حاسس بيكى ومراد خد صفاء فى حضنه وهى مستسلمه
.. انا لازم أمشى
.. خليكى معايا شويه
.. مقدرش بس عاوزه منك طلب لو تقدر تنفذه هكون مشكوره ليك
.. ان شاء الله هقدر
.. خليك جمبى اوعى تسبنى
.. حاضر
.. انا همشى دلوقتى وهبقى اكلمك سلام
ومشيت صفاء ومكسوره بس واثقه ان مراد هيكون جمبها وصديق مخلص ليها فى وقت حب عمرها اتجوز عليها وخاڼها ومشيت وراحت البيت وطلعت ولقت فى وشها محيى وقالت
.. انا طالعه شقتى
.. مالك شكلك مخطۏف وبعدين مش ناويه تعقلى ولا ايه..
.. وسع كده عن اذنك انا طالعه
.. ههههههه لو عاوزه حاجه انا قاعد مع جليله
.. طيب
وطلعت ع شقتها وفتحت الباب ودخلت اوضه نومها ومسكت بطنها وقالت انا حاسه ان الحمل ده هيثبت ولو ثبت انا مش هتنازل عنه حتى لو طلع قرد..
عارف يا محيى انا حاسه ان صفاء مش طبيعيه
.. معلش حبيبتى لازم نعذرها اللى عملته فيها مش سهل.
.. ندمان ولا ايه
.. وانا اقدر
وتليفون جليله رن ورددت وكانت هنيه وقالت لها تكلم مراد ضرورى..
الباب خبط وفتحت الباب وقالت جليله تعالى
.. انا كنت عامله كيكه قولت ادوقك عمايل ايدى هتعجبك اوى اصل انا شاطره فى الحلويات اوى
.. تسلمى يا حبيبتى
.. مالك شكلك كده بيقول ان فى حاجه
.. عادى بس تعبانه شويه
.. حبيبتى الف سلامه عليكى
..انا هدخل اخد شاور وادخلى انتى اعملى الشاى علشان ناكل معاه الكيكه الجميله دى
ودخلت الحمام تاخد شاور وجليله دخلت عملت الشاى وخرجت من الحمام وقعدت مع جليله وفضلوا سهرانين مع بعض.
.. مش ملاحظ حاجه غريبه يا محيى
.. خير يا ماما
.. جليله وصفاء اتلموا على بعض وعلى رأى المثل مركب الضراير سارت ومركب السلايف غارت
.. بس انا بقى مرتاح كده مفيش وش لا من دى ولا من دى
.. مفيش حاجه
.. حاجه ايه
.. مراتك مش حامل
.. لأ
.. ربنا يرزقك الذريه الصالحه قوم يلا قول لمراتك تنزل الوقت اتأخر
تليفون جليله رن وقالت ده محيى ونزلت جرى والغيره دبت فى قلب صفاء وقالت اغير على ايه على واحد باعنى ومسكت بطنها وقالت لازم ادور على الشيخ...
.. فين محيى يا ماما
.. دخل على اوضته
ودخلت عليه وقالت وحشتنى يا حبيبى
.. انت كل ده بتعملى ايه مع صفاء
.. كنت بدوقها الكيكه
.. اهو انا بقى حبيتك من حنيتك دى
.. اه حاسه انى عاوزه ارجع وجريت على الحمام ورجعت
... مالك بس ما انتى كنتى كويسه شكلك خدتى برد ولا ايه
.. باين كده انا هنام علشان تعبت خودنى فى حضنك
.. تعالى يا حبيبتى
ومحيى نام والساعه عدت 2 بالليل وجليله قامت من النوم وتليفونها رن وقامت كنسلت ولابست روب ونزلت وهى بتتسحب وقالت انت اتأخرت كده ليه يا حبيبى
.. قولت لما النطع ده ينام
.. تعالى انا عملت مفتاح على الشقه زى ما طلبت بس بشرط
.. طلباتك أوامر
.. عاوزاك الاول
.. ههههههه بحبك اوى وحضنها على السلم بس جليله قالت تعالى تعالى رد وقالها فين قالت الشقه اللى قصادك دى فاضيه ومفيهاش حد ومتقلقش كلهم نايمين 
.. اه انا مش عارفه انت عاوز ايه من البنت دى نفسى افهمك
.. انا هقوم وهاتى مفتاح شقتها واطلعى شقتك وراقبى المكان كويس ماشى
.. حاضر
ومراد طلع يتسحب زى الحراميه وفتح الشقه على صفاء ودخل وقفل الباب وقال هى فين اوضه النوم وقال هى دى ودخل وشاف صفاء نايمه ومش حاسه بحاجه من تأثير المنوم وركب كاميرا فوق السرير وقرب من صفاء....
تليفون صفاء رن اتخض وقام بسرعه وهى مش حاسه بحاجه ولما التليفون بطل رن قال نسيت انها واخده .
وفى صباح اليوم التالى صفاء قامت من النوم وقالت دماغى تقيله وتليفونها رن وكانت اختها ندا واطمنت عليها وقالت لها انها تعبانه اوى وطلبت منها تيجى تقعد معاها.
صفاء قامت وحاولت تغير هدومها بس كانت تعبانه وكل اللى شاغلها الحمل وتدور على الشيخ.
الباب خبط وقامت فتحت وكانت جليله وبصت لصفاء حته نظره غريبه
.. مالك يا جليله انتى بتبصيلى كده ليه
.. انا زى القمر انا قايمه من النوم تعبانه ودماغى تقيله وحاسه بحاجات غريبه
.. حاسه بأيه
.. بينى وما بينك انا كنت بحلم حلم غريب ان حد نايم جمبى بس كل لما اجى ابص فى وشه مش شيفاه وكأنى عاميه.
.. كله خير يا صفاء شكلك تقلتى فى العشا
.. انا مأكلتش غير الكيكه بتعتك
.. المهم المحروسه اخت جوزك جايه اسمها ايه

دى
.. اه ابتسام امممم ياه بصراحه من مش فايقه خالص وتعبانه ارجوكى قولى لحماتى انى تعبانه
.. حاضر هقولها يا حبيبتى وهشيل عنك كل حاجه انتى اختى مش ضرتى.
جليله نزلت واتصلت ب مراد وقالت الو هو انت شوفت شكلها وجسمها كمان ومراد رد وقال انتى مجنونه ولا شكلك كده ده اتفاق وانا قولتلك من الاول انتى فالبيت ده لحد ما نخلص المطلوب وبس. رددت وقالت انا بغير عليك وانت عارف رد وقال ههههه وانتى بقى اللى فى حضڼ استاذ محيى حلو ليكى وقالت بس جوزى يا مراد رد بسخريه وقال جوزك ايه انا متفق تتجوزيه لحد ما نخلص اللى احنا عاوزينه وكمان انا لقيتها فرصه اخد حقى من صفاء.. قالت انا هقفل وقفلت وقالت ماما انا قولت ل صفاء تنزل بس هى تعبانه اوى بس انا هعمل اى حاجه مكانها رددت وقالت سيبك مفيش حاجه فى السكه رددت وقالت ربنا يرزقنا ونفرح